أعلنت وزارة التربية والتعليم عن الرسوم المطلوبة من طلاب الثانوية العامة لامتحانات السنة الدراسية 2025/2026، بناءً على القرار الوزاري رقم 162 لسنة 2024.
في البداية، الطلاب اللي هيتقدموا للامتحان لأول مرة أو للمرة الثانية عليهم يسددوا رسوم أساسية قدرها 200 جنيه، مع 10 جنيهات رسوم إضافية، وبالتالي الإجمالي هيكون 210 جنيهات، وده مقابل خامات ومستلزمات الامتحانات.
رسوم دخول امتحانات الثانوية العامة للمرة الثالثة
بالنسبة للطلاب اللي هيتقدموا للامتحان للمرة الثالثة أو الرابعة، هيكون عليهم دفع رسم إضافي قدره 210 جنيهات بجانب الرسوم الأساسية، وبالتالي الإجمالي هيكون 410 جنيهات، كمان هيتم تحصيل 108 جنيهات مقابل طباعة الاستمارة الكرتونية الخاصة بالنجاح بعد إعلان النتيجة.
في نفس السياق، التسجيل الإلكتروني لاستمارة التقدم للامتحانات هيبدأ يوم الأحد عبر منصة الشهادات العامة، وهيستمر لحد 5 فبراير الجاي، وضروري على الطلاب مراجعة بياناتهم بدقة قبل اعتماد الاستمارة علشان يتجنبوا أي مشاكل ممكن تعطل دخولهم للامتحانات.
التعليقات