فجر محمد صلاح تصريحات قوية بعد تأهل منتخب مصر لنصف نهائي كأس الأمم الأفريقية في المغرب 2025، بعد إقصاء منتخب كوت ديفوار حامل اللقب في ربع النهائي، البطولة مستمرة لحد يوم 18 يناير الجاري.
مصر وكوت ديفوار"/>صلاح قال في المؤتمر الصحفي بعد المباراة: “أحب أقول للناس أن مفيش حد عايز يكسب اللقب دا أكتر مني، أنا كسبت كل حاجة في الكورة ما عدا اللقب دا، الضغط دا معايا بقاله فترة طويلة، بس لازم نلعب من غير ضغط على اللاعيبة، وأنا فخور جدا إني لعبت معاكم، المعسكر دا هو الأفضل في حياتي”
وأضاف: “احنا بنقاتل للفوز، فرحة المصريين أغلى إنجاز، سعيد بالتأهل لنصف النهائي وفخور بوجودي مع الجيل الحالي من اللاعبين، جائزة أفضل لاعب هي تتويج لمجهود الفريق، كلنا بنقدر قيمة قميص منتخب مصر وبنلعب عشان نكسب، مواجهة كوت ديفوار كانت صعبة لأنهم فريق كبير وعندهم لاعبين مميزين”
صلاح كمل حديثه وقال: “كوت ديفوار عندهم لاعبين كبار في أوروبا والدوري المصري، احنا بنقاتل في كل مباراة، المعسكر دا هو الأفضل ليا، وأتمنى نحقق كأس أمم أفريقيا، المنتخب أسرة واحدة، سعيد بالعمل مع الكابتن حسام حسن، بشكر المغرب على التنظيم”
ومن ناحية تانية، قال صلاح: “شوفوا لاعبي كوت ديفوار والسنغال، وإحنا عندنا 3 محترفين بس، من وقت ما قال كابتن حسام حسن عندنا 2 محترفين وبقينا 3 أرباع محترف ومحدش فينا بيلعب”
ختاماً، صلاح قال: “ما قلته قبل مباراة كوت ديفوار مش تقليل من لاعبي مصر، كل لاعبي ساحل العاج محترفين في أوروبا، احنا بنعمل اللي علينا، دفعنا بكل قوتنا أمام حامل اللقب ونجحنا في إقصائهم رغم عدم توفيقنا في الكرات الثابتة، مواجهة السنغال في نصف النهائي هتكون صعبة 100% لأن كل لاعبيهم محترفين في أوروبا، لكن إن شاء الله هنكسب”
التعليقات