محمد عبد الجليل عبر عن سعادته بتأهل منتخب مصر لنصف نهائي كأس أمم أفريقيا بعد الفوز على كوت ديفوار وقال في تصريحات لبرنامج لعبة والتانية مع كريم رمزي على راديو ميجا إف إم: لأول مرة من فترة طويلة أشوف المنتخب بهذه الروح، وحسام حسن عمل شغل ممتاز في غلق مفاتيح لعب كوت ديفوار
وأضاف: كوت ديفوار مكنش قادر يوصل لمرمى مصر غير من خلال الكرات الثابتة، وده بيبين إن عندنا مشكلة في التعامل مع الكرات الثابتة
وتابع: أحمد فتوح لاعب مميز وعشان كده قدر يتفوق على ديالو، وأشيد بحسام حسن على روحه في التعامل مع اللاعبين
وكمل: محمد صلاح نفسه عايز يحقق البطولة، وصلاح شايل المنتخب بقاله 15 سنة، والمره دي هيكون عنده فرصة لرد اعتباره أمام ساديو ماني
وأشار إلى أن حسام حسن رجع الروح للمنتخب، وده حاجة تحسب له وأوضح كمان أن حمدي فتحي هو نجم البطولة الحالي، وهو الجندي المجهول في صفوف الفريق، وكنت خايف من الدفع بحسام عبد المجيد لكن خيب ظني.
وأخيرا، أكد أن السوشيال ميديا بقت آفة، وفي رؤساء أندية في مصر بيخافوا منها، وفي ناس بتعمد انتقاد حسام حسن، لكن حسام تغير عن زمان وعصبيته حاجة طبيعية.
التعليقات