في أخبار النادي الأهلي، الإعلامي خالد الغندور كشف إن اللاعب جراديشار بدأ يجمع متعلقاته عشان يستعد للرحيل، بعد ما اتحدد له موعد الكشف الطبي في نادي أوبيست المجري يوم الاثنين الجاي.
الغندور أضاف في برنامجه ستاد المحور إن النادي المجري اتفق مع الأهلي على ضم اللاعب لمدة 6 شهور على سبيل الإعارة، بحيث يتحمل النادي الجديد جزء من راتب اللاعب، والأهلي يتحمل الجزء التاني، وبكده حتتم الإجراءات الرسمية قريبًا.
الأهلي: الأرقام المتداولة عن عقود اللاعبين مغلوطة وسيطرنا على سقف الرواتب
وليد صلاح الدين مدير الكرة بالنادي الأهلي، تحدث في تصريحات تلفزيونية عن عقود اللاعبين وسقف الرواتب.
وقال وليد صلاح الدين: “بالنسبة لكوكا وعبد القادر والشحات، احنا بنفاوضهم وكلهم معانا ومكملين الست شهور، دول ولادنا وإحنا في تواصل معاهم”
وتابع: “ممكن يبقى فيه شوية اختلاف في الأرقام، والأهلي حط أرقام معينة، وبالمناسبة الأرقام اللي بتظهر على السوشيال ميديا وفي برامج كتير مغلوطة جدًا”
وأضاف: “في فرق بين إنك تشتري لاعب من نادي، وفي فرق بين تعاقد النادي نفسه مع اللاعب، اللاعب سعره مغلوط جدًا في البرامج، وبيتقال إن إحنا إدينا لفلان 20 و30 و40 مليون، والكلام ده غلط 100%”
واستكمل: “ماليّش دعوة بالقديم أو أي لاعب عقوده شغالة، أنا بتكلم عن اللاعبين الجدد، والأهلي بيحاول يسيطر على الأرقام ودي نقطة مهمة جدًا”
واختتم: “بستأذن الناس اللي بتقول أرقام، تبقى متأكدة منها، كله بيجتهد ولكن فعلاً الأرقام مغلوطة تمامًا”
الأهلي يوجه رسالة شكر لعمر كمال عبد الواحد بعد رحيله إلى سيراميكا
وليد صلاح الدين مدير الكرة بالنادي الأهلي، قال إنه يشكر عمر كمال عبد الواحد لأنه لاعب كبير وأهلاوي بجد، وشخصية محترمة جدًا وبيحب النادي.
وتابع وليد: “قعدنا معاه وكنا محتاجينه جدًا وكان أحسن لاعب مش موجود في المنتخب”
وأكمل: “حتى لما لعبنا كأس العاصمة وكأس مصر، كان هو من أحسن الناس وهو اللي سجل، فبشكره إنه وافق الأول إنه يقعد، ولما النادي احتاج مروان عثمان والكابتن علي ماهر صمم على عمر كمال ومحمد عبد الله وعابدين، كنا لازم نلاقي بدائل ورحنا جبنا أحمد عيد”
التعليقات